Gumawa ng malaking alingasngas ang paglilipat ng halos P90 billion na excess funds ng Philippine Health Insurance Corp. o PhilHealth sa national treasury. Sabi ng PhilHealth, hindi kasama sa ililipat ang kontribusyon ng mga miyembro.
Pero hinaing ng health reform advocates, dapat gamitin ang pondo ng ahensya para dagdagan ang benepisyo at ibaba ang buwanang kontribusyon, lalo na sabi sa isang report, pamilyang Filipino pa rin ang sumasagot sa 45% ng health expenditures sa bansa.
Sa ika-12 episode ng Tres from Tress podcast, kasama ang senior editor ng VERA Files na si Elma Sandoval, sasagutin ni Dr. Israel Francis Pargas, senior vice president for Health Finance Policy at spokesperson ng PhilHealth, ang malaking katanungan: Sagot nga ba ng PhilHealth ang kalusugan mo?
